کراچی: بچوں کو پولیو کے قطرے نہ پلانے اور ڈیوٹی ٹیم سے لڑائی پر 4 افراد کو مقدمہ درج کر کے گرفتار کرلیا گیا۔
پولیس کے مطابق مبینہ ٹاؤن تھانے میں گلشن اقبال کے علاقہ میں بچوں کو پولیو کے قطرے نہ پلانے پر 4 افراد کے خلاف مقدمہ درج کیا گیا ہے۔
بتایا گیا ہے کہ مقدمے کے اندراج کے بعد 4 افراد کو گرفتارکر لیا گیا، جن میں 3 بھائی بھی شامل ہیں۔
پولیس کے مطابق سرکاری مدعیت میں درج کئے گئے مقدمے میں دہشتگردی سمیت دیگر دفعات شامل کی گئی ہیں۔
یاد رہے کہ گزشتہ روز گلشن اقبال کے علاقہ میں میں پولیو سے بچاؤ کے قطرے پلانے سے انکارکے معاملہ پرلڑائی ہو کے دوران پولیس کانسٹیبل کی یونیفارم پھاڑ دی گئی تھی۔
