منڈی بہاؤالدین( مانیٹرنگ ڈیسک) منڈی بہاؤالدین کے علاقہ پھالیہ کے قریب آتشبازی کے سامان میں دھماکے سے 6 افرادجاں بحق جبکہ 7 زخمی ہوگئے۔
میڈیا رپورٹ کے مطابق واقعہ پنجاب کے ضلع منڈی بہاؤالدین کے علاقہ کوٹ پھلے شاہ میں پیش آیا، بتایا گیا ہے کہ دھماکہ آتش بازی کے سامان میں آگ لگنے کے باعث ہوا، جاں بحق ہونے والے افراد میں 4 خواتین اور ایک بچی شامل ہے۔
واقعہ کی اطلاع ملنے پر امدادی ٹیمیں موقع پر پہنچ گئیں، زخمیوں کو ہسپتال منتقل کر دیا گیا ہے جبکہ دو زخمیوں کی حالت تشویشناک بتائی گئی ہے۔
پولیس کی ٹیم نے موقع پر پہنچ کر شواہد جمع کیے اور واقعہ کی تحقیقات شروع کر دی ہیں۔
