اسلام آباد: پاکستان میڈیکل اینڈ ڈینٹل کونسل نے ملک بھر کی میڈیکل یونیورسٹیوں کو اگلے سیشن کے لیے نئے داخلوں کی اجازت دے دی ہے، ایم ڈی کیٹ کا کسی بھی صوبے کا رزلٹ گلگت بلتستان و آزادکشمیر سمیت پورے ملک کے لیے مؤثرہوگا۔
پاکستان میڈیکل اینڈ ڈینٹل کونسل (پی ایم ڈی سی) نے صوبائی میڈیکل یونیورسٹیز کے نام اس ھوالے سے مراسلہ جاری کیا ہے، رجسٹرار پی ایم ڈی سی ڈاکٹر شائستہ فیصل کی جانب سے جاری مراسلے میں کہا گیا ہے کہ یونیورسٹیوں کو ایم بی بی ایس، بی ڈی ایس داخلوں کی اجازت دی گئی ہے۔
مراسلے میں صوبائی سرکاری میڈیکل جامعات ک داخلوں کا عمل مکمل کرنے اور میڈیکل جامعات پی ایم ڈی سی ایکٹ 2022 اور میڈیکل، ڈینٹل انڈر گریجویٹ ایجوکیشن پالیسی قواعد 2023 کے تحت داخلے دینے کی ہدایت کی گئی ہے ۔
پی ایم ڈی سی کے مراسلے میں کہا گیا ہے کہ ایم ڈی کیٹ ٹیسٹ کے ایک صوبے کا رزلٹ ملک بھر کے لیے مؤثر ہو گا، ایم ڈی کیٹ کا رزلٹ اسلام آباد آزادکشمیر، جی بی میں بھی نافذ العمل ہو گا۔
رجسٹرارنے مراسلہ پی ایم ڈی سی نے یو ایچ ایس لاہور، لیاقت میڈیکل یونیورسٹی جامشورو، بولان میڈیکل اینڈ ہیلتھ سائنسز یونیورسٹی کوئٹہ، شہید ذوالفقار علی بھٹو میڈیکل یونیورسٹی اسلام اباد، خیبر میڈیکل یونیورسٹی پشاور کو بھیج دیا ہے۔
مراسلے میں صوبائی سرکاری میڈیکل یونیورسٹیوں کو سیشن 25-2024 کے لیے داخلے شروع کرنے کی ہدایت کی گئی ہے۔
