شیخوپورہ میں حاملہ خاتون پرپولیس اہلکار کے مبینہ تشدد کے بعد مردہ حالت میں بچی کی پیدائش کےبعد اہل علاقہ نے احتجاج کیا۔
میڈیا رپورٹ کے مطابق شہر پولیس چوکی کوٹ عبدالمالک کے باہرجمع ہوئے اور پولیس اہلکار کے خلاف احتجاج کیا گیا جسکی وجہ سے لاہور روڈ پر ٹریفک معطل رہی۔
میڈیا رپورٹ میں اہل علاقہ کے حوالے سے کہا گیا ہے کہ مطابق پولیس نےموبائل چوری کے شبہے میں ایک محنت کش رضا کے گھرپر چھاپا مارا، اس دوران پولیس اہلکار نے حاملہ خاتون پرتشدد کیا اورپیٹ پر لات ماری۔
رشتہ داروں کے مطابق خاتون کے ہاں بچی مردہ حالت میں پیدا ہوئی جبکہ اس کی اپنی حالت تشویشناک ہے، ورثا نے اھتجاج کے دوران الزام عائد کیا کہ پولیس پیٹی بھائیوں کےخلاف مقدمہ کے اندراج سے گریز کر رہی ہے۔
