واٹس ایپ اپنے صارفین کے لیے 2 نئے کار آمد فیچرز کا اضافہ کر رہا ہے۔
میڈیا رپورٹ کے مطابق نئے فیچرز میں سے ایک صارفین کی سیکیورٹی اور پرائیویسی سے متعلق ہے جبکہ دوسرافیچر واٹس ایپ استعمال کرنے والوں کو اسٹیٹس پر جذبات کے اظہار میں مدد فراہم کرے گا۔
رپورٹ کے مطابق واٹس ایپ استعمال کرنے والے بیشتر افراد نامعلوم اکاؤنٹس کی جانب سے بھیجے گئے پیغامات کی وجہ سے پریشان رہتے ہیں۔
صارفین کی پریشانی کو دیکھتے ہوئے واٹس ایپ نے ان کے تحفظ اور پرائیویسی کے لیے ایک عمدہ فیچر متعارف کرایا ہے۔
یہ فیچر اینڈرائیڈ ڈیوائسز کے لیے فی الحال واٹس ایپ کے نئے بیٹا (beta) ورژن میں متعارف کرایا جا رہا ہے۔
بلاک ان نون اکاؤنٹ میسجز نامی فیچر کے ذریعے صارفین نامعلوم اکاؤنٹس کی جانب سے بھیجے جانے والے پیغامات کو بلاک کرسکیں گے۔
یہ فیچرآٹو میٹک طریقے سے اس وقت نامعلوم اکاؤنٹس کے میسجز بلاک کردے گا جب ان کی تعداد ایک خاص حد سےبڑھ جائے گی۔
معلوم ہوا ہے کہ ابھی اس فیچر پر کام جاری ہے اور یہ نہیں بتایا گیا کہ کب تک تمام صارفین کے لیے متعارف کرادیا جائے گا۔
ؤاٹس ایپ کا دوسرا کارآمد فیچر اسٹیٹس ایپ ڈیٹس پر کوئیک ری ایکشن کا ہے۔
یہ فیچر بھی اینڈرائیڈ ڈیوائسز کے لیے واٹس ایپ کے بیٹا ورژن میں متعارف کرایا جا رہا ہے۔
رپورت کے مطابق جب صارفین کسی اسٹیٹس کو دیکھیں گے تو ریپلائی ٹیکسٹ باکس کے برابر میں ہارٹ کی شکل کے بٹن پر کلک کرکے اسے لائیک کرسکیں گے۔
جب کوئی صارف کسی کے اسٹیٹس پر ری ایکٹ کرے گا تو انسٹاگرام اسٹوریز کی طرح اسے اسٹیٹس ویورز لسٹ میں دیکھا جا سکے گا۔
