اسلام اباد ہائی کورٹ کے 8 ججز کے بعد لاہورہائیکورٹ کے 4 ججز کو دھمکی آمیز خطوط موصول ہو ئے ہیں۔
میڈیا رپورٹس کے مطابق لاہور ہائیکورٹ کے سینئر ججز جسٹس شجاعت علی خان،جسٹس عابدعزیز شیخ، جسٹس شاہد بلال اور جسٹس عالیہ نیلم کے نام دھمکی آمیزخطوط بھجوائے گئے ہیں۔
لاہور ہائیکورٹ کے ججز کو خطوط ملنے کی اطلاع کے بعد سی ٹی ڈی حکام اور پولیس افسران لاہور ہائیکورٹ پہنچ گئے اورعدالتی حدود کی سکیورٹی مزید سخت کردی گئی ۔
بتایا گیا ہے کہ پولیس نے خط لے کرآنے والے کوریئر کمپنی کے ملازم کوحراست میں لے لیا ہے ۔
یاد رہے گزشتہ روز اسلام آباد ہائیکورٹ کے 8 ججز کو بھی مشکوک پائو ڈر والے خطوط موصول ہوئے تھے ۔
