اسلام آباد ( نئی تازہ رپورٹ) پاکستان تحریک انصاف نے وزیر اعظم شہباز شریف کی بریت کے خلاف سپریم کورٹ کے دروازے پر دستک دے دی۔
پی ٹی آئی رہنما اعظم سواتی نے سپریم کورٹ میں درخواست دائر کی ہے ، درخواست میں استدعا کی گئی ہے کہ عدالت عظمیٰ نے گزشتہ سال ہائی پروفائل کیسز میں پراسیکیوٹرز کی تبدیلی پر ازخود نوٹس لیا، ناقص پراسیکیوشن کی وجہ سے ہائی پروفائل ملزمان بری ہوئے، ملزمان اور تحقیقاتی اداروں، پراسیکیوشن کی ملی بھگت عیاں ہے۔
درخواست میں کہا گیا ہے کہ ایف آئی اے نے شہباز شریف کی بریت کی مخالفت کی نہ اپیل دائر کی گئی، سپریم کورٹ نے تحقیقاتی اداروں کو قانون کے مطابق فرائض انجام دینے کا حکم دیا تھا، عدالت عظمیٰ ایف آئی اے کو شہباز شریف کی بریت کے خلاف اپیل دائر کرنے کا حکم دے۔
