لکی مروت( نئی تازہ رپورٹ) فورسز پر حملوں میں ملوث گروپ کے 12 دہشت گرد وں کو مشترکہ آپریشن میں ہلاک کر دیا گیا۔جس سے دہشت گرد اظہر الدین گروپ کا خاتمہ ہو گیا۔ میڈیا رپورٹ کے مطابق ضلع لکی مروت میں سیکیورٹی فورسز اور پولیس نے ایک اہم کارروائی میں 12 دہشت گردوں کو ہلاک کردیا، بتایا گیا ہے کہ فورسز نے مشترکہ آپریشن کیا اور مقابلے کے بعد پولیس پر حملوں میں ملوث اظہر الدین گروپ کا خاتمہ کردیا گیا۔
پولیس ذرائع کے مطابق مقابلے کے وقت دہشتگرد گروپ لکی مروت سے ٹانک کی جانب جا رہا تھا، ذرائع نے بتایا کہ اس گروپ نے 16 دسمبر 2022 کو موبائل پر حملہ کر کے 6 اہلکاروں کو شہید کیا، اسی گروپ نے 20 اگست 2022 کو لکی مروت شہر میں اے ایس آئی کو شہید کیا تھا۔
