تل ابیب ( نئی تازہ مانیٹرنگ ) کیا آپ یقین کریں گے کہ ماں باپ نے ٹکٹ کے پیسے بچانے کیلئے شیر خوار بچہ ایئرپورٹ کے کاؤنٹر پر چھوڑدیا۔ غیر ملکی میڈیا کے مطابق یہ واقعہ تل ابیب کے بین گوریون انٹرنیشنل ایئرپورٹ پر اس وقت پیش آیا جب ایک جوڑا اپنے شیر خوار بچے کے ساتھ نجی ایئرلائن کی پرواز کے ذریعے تل ابیب سے بیلجیم کے دارالحکومت برسلز جا رہا تھا۔
چیک ان ڈیسک کے عملے کی طرف سے انہیں بتایا گیا کہ انہیں اپنے بچے کیلئے ایک اضافی ٹکٹ خریدنا ہوگا جس پر میاں بیوی نے جھگڑنا شروع کر دیا اور بچے کو کاؤنٹرکے پاس چھوڑ کر جہاز کی طرف چل دیئے کیونکہ انکی پرواز کا وقت ہورہا تھا۔میاں بیوی کو اپنا بچہ چھوڑ کر فرار ہوتے دیکھ کر ایئرپورٹ کے عملے نے اُنہیں پکڑ کر سیکیورٹی اہلکاروں اور پولیس کو طلب کرلیا اور ان پر زور دیا کہ وہ اپنے بچے کو ساتھ لیکر جائیں۔اس حوالے سے اسرائیلی پولیس کے ترجمان نے بتایا کہ تفتیش کے لیے کچھ نہیں ہے کیونکہ جب ہم موقع پر پہنچے تو والدین پنے بچے کے ساتھ ہی موجود تھے۔ایئرپورٹ پر موجود ایک اہلکار نے میڈیا کو بتایا ایسا ہم نے پہلے کبھی نہیں دیکھا ، آج ہم نے جو کچھ اپنی آنکھوں سے دیکھا اس پر یقین نہیں آ رہا تھا۔
