اسلام آباد:( نئی تازہ ڈیسک) وفاقی تعلیمی بورڈ (FBISE) نے میٹرک سالانہ امتحانات 2025 کے نتائج کی تاریخ کا باضابطہ اعلان کر دیا ہے۔
فیڈرل بورڈ کے مطابق نویں اور دسویں جماعت (SSC پارٹ I اور II) کے نتائج بدھ 16 جولائی 2025 کو دوپہر 1:30 بجے جاری کیے جائیں گے۔ یہ امتحانات رواں سال مارچ اور اپریل میں منعقد ہوئے تھے۔
طلبہ اپنے نتائج متعدد طریقوں سے حاصل کر سکتے ہیں۔ جن طلبہ نے داخلہ فارم میں اپنا موبائل نمبر فراہم کیا تھا، انہیں نتیجہ بذریعہ ایس ایم ایس خودکار طور پر بھیج دیا جائے گا۔
دیگر طلبہ کو ایس ایم ایس کے ذریعے نتیجہ حاصل کرنے کے لیے درج ذیل طریقہ اپنانا ہوگا:
FB (اسپیس) رول نمبر لکھ کر 5050 پر بھیجیں۔
آن لائن نتیجہ حاصل کرنے کے لیے طلبہ www.fbise.edu.pk پر جا کر اپنا رول نمبر درج کر سکتے ہیں۔ ویب سائٹ پر نتائج دوپہر 1:30 بجے کے بعد دستیاب ہوں گے۔
یہ بھی پڑھیں : فیڈرل بورڈ میٹرک امتحانات 2025 کے نتائج کا باضابطہ اعلان، مکمل رزلٹ گزٹ
نتائج کی تقریب وفاقی تعلیمی بورڈ کے ہیڈ آفس اسلام آباد میں منعقد ہوگی، جس کے مہمانِ خصوصی وفاقی وزیر تعلیم و پیشہ ورانہ تربیت ڈاکٹر خالد مقبول صدیقی ہوں گے۔
یہ تقریب فیڈرل بورڈ FBISE کے آفیشل فیس بک اور یوٹیوب چینلز پر براہ راست نشر کی جائے گی ۔
