وزیراعلیٰ پنجاب مریم نواز سرکاری دورے پر چین روانہ ہو گئیں۔
مریم نواز 8 سے 15 دسمبر تک چین کا دورہ کریں گی، اس دوران ان کے ہمراہ سینئر صوبائی وزیر مریم اورنگزیب، وزیر اطلاعات و ثقافت عظمیٰ بخاری، صوبائی وزیر ٹرانسپورٹ بلال اکبر اور وزیر زراعت عاشق کرمانی بھی ہوں گے۔
اپنے دورے میں وزیراعلیٰ مریم نواز بیجنگ، شنگھائی، شن ژین اور گوانگ ژوجائیں گی، جہاں وہ چینی حکام اور ماہرین سے ملاقاتیں کریں گی۔
مریم نواز چین میں مختلف تقاریب اور کانفرنسز میں بھی شرکت کریں گی۔
واضح رہے کہ یہ دورہ مریم نواز چین کی حکمراں جماعت کی دعوت پرکر رہی ہیں۔
