کراچی( نئی تازہ رپورٹ) سندھ میں استعمال شدہ گاڑیاں ٹرانسفرکرانے کے دوران فزیکل فٹنس چیکنگ ختم کرنے کا فیصلہ کیا گیا ہے ۔
سینئرصوبائی وزیر شرجیل انعام میمن کی زیر صدارت اجلاس میں سیکریٹری ایکسائز اور ڈی جی ایکسائز جبکہ آٹوموٹو ٹریڈرز اینڈ امپورٹررز ایسو سی ایشن کے نمائندگان بھی شریک ہوئے۔
اجلاس کے دوران فیصلہ کیا گیا کہ گاڑیوں کے ٹرانسفر پر فزیکل فٹنس چیکنگ ختم کردی جائے گی، تاہم دفتری کاغذی کارروائی جاری رہے گی تاہم اسے مستقبل میں ختم کر دیا جائے گا۔ اجلاس کے دوران یہ بھی فیصلہ ہوا کہ گاڑیوں کے آن لائن ٹرانسفر کے لئے سافٹ ویئر لانچ کیا جائے گا ۔
اس موقع پرتاجروں نے گاڑیوں کی رجسٹریشن، فزیکل فٹنس سمیت دیگر مسائل کے بارے میں سینئر وزیر شرجیل انعام میمن کو آگاہ کیا، اجلاس میں پرائیویٹ اور کمرشل گاڑیوں کے کرنٹ اور بیک لاگ کے مسئلےپر بھی بات چیت کی گئی۔
شرجیل میمن نے تاجروں کے مسائل جلد حل کرنے کی یقین دہانی کرائی، انہوں نے کہا کہ گاڑیوں کے ٹرانسفر پر دفتری کاغذی کارروائی کا عمل فی الحال جاری رہے گا، لیکن اس کو بھی جلد ختم کردیا جائے گا۔
