ریاض ( نئی تازہ مانیٹرنگ) سعودی عرب میں رمضان المبارک 1445 ہجری کاچاند نظر آ گیا، پیر11 مارچ کو پہلا روزہ ہوگا۔
میڈیا رپورٹ کے مطابق سعودی عرب میں سپریم کورٹ نے شہریوں سے آج اتوار کو رمضان المبارک کا چاند دیکھنے کی اپیل کی تھی۔
عرب میڈیا کے مطابق سدیر اور الحریق رصد گاہوں کے علاوہ متحدہ عرب امارات اور قطر میں بھی چاند نظر آگیا، سپریم کورٹ کے اعلان کے مطابق سعودی عرب میں یکم رمضان پیر کو ہوگی۔
رپورٹ کے مطابق سپریم کورٹ کے ماتحت ادارہ رویت ہلال کو مملکت بھر سے چاند نظر آنے کی ایک درجن شہادتیں موصول ہوئیں، سپریم کورٹ نے کے اعلان کے بعد مسجد الحرام اور مسجد نبوی میں آج بعد نماز عشاء پہلی تراویح پڑھائی جارہی ہے۔
علاوہ ازیں متحدہ عرب امارات اور قطر میں بھی چاند نظر آگیاہے، اور پہلا روزہ پیر کو ہوگا۔
آسٹریلیا، انڈونیشیا، فلپائن، سنگاپور، ملائیشیا، برونائی اور عمان میں اتوار کو رمضان کا چاند نظر نہیں آیا ، ان ممالک میں رمضان المبارک کا پہلا دن 12 مارچ کو ہوگا۔
