ڈی آئی خان ( نئی تازہ رپورٹ ) ڈیرہ اسماعیل خان میں مسلح افراد کی فائرنگ سے پانچ افراد جاں بحق ہوگئے۔
نجی ٹی وی کے مطابق ڈی آئی خان کے علاقے بڈھ بیر میں پیش آنے والے واقعہ میں پانچ افراد کو موت کی نیند سلا دیا گیا، واقعے کے بعد لاشوں کو ہسپتال منتقل کردیا گیا، جبکہ پولیس نے شواہد اکٹھے کرلیے ہیں۔
پولیس کے مطابق جاں بحق ہونے والے پانچوں افراد ڈی آئی خان بڈھ لنک روڈ پر پیپلز پارٹی کے نو منتخب رکن اسمبلی احمد کریم کنڈی کو مبارک باد دینے جا رہے تھے کہ نامعلوم مسلح ملزمان نے ان پر فائرنگ کردی۔
پولیس کے مطابق ابتدائی طور پر واقعہ ذاتی دشمنی کا نتیجہ لگتا ہے،جلد ملزمان تک پہنچ جائیں گے، واقعے کی تحقیقات جاری ہیں ۔
