پشاور ( نئی تازہ رپورٹ) خیبرمیڈیکل یونیورسٹی نے پشاور میں ایم ڈی کیٹ امتحان میں نقل کرنے والے طلباء پر 2 سال کے لیے پابندی عائد کر دی ۔
خیبر میڈیکل یونیورسٹی نے اس حوالے سے جاری کیے گئےنوٹیفکیشن میں کہا ہے کہ 219 طلباء پر 2 سال کے لیے ایم ڈی کیٹ میں شامل ہونے پر پابندی عائد ہو گی۔
نوتیفکیشن میں کہا گیا ہے کہ طلبہ پر پابندی ایٹا کی تفصیلی رپورٹ کی روشنی میں لگائی گئی ہے۔
یاد رہے کہ رواں سال 10 ستمبر کو ایم ڈی کیٹ امتحانات میں مختلف مراکز میں طلباء بلیو ٹوتھ ڈیوائسز اور دیگر ذرائع سے نقل کرتے ہوئے پکڑے گئے تھے۔
خیبر پختون خوا کابینہ نے بڑے پیمانے پر نقل کے کیسز سامنے آنے پر ٹیسٹ منسوخ کر دیا تھا۔
