لاہور ( نئی تازہ رپورٹ) احتساب بیورو کے انٹیلی جینس ونگ نے نیب افسربن کر شہریوں سے رقم بٹورنے والے دو افراد کو گرفتار کرلیا۔
ترجمان نیب لاہورکے مطابق ملزمان بلاول ہارون اور اکمل کے خلاف ڈی جی نیب لاہور کی کھلی کچہری میں موصول ہونیوالی شکایت پرکارروائی کی گئی۔
نیب کے ترجمان کے مطابق ملزمان لوگوں کے کام کرانے کا جھانسہ دے کر رقم بٹورتے تھے، گرفتار ملزمان سے جعلی مہریں، لیٹرپیڈز، جعلی سروس کارڈز اور متاثرین سے بٹوری گئی رقم برآمد کرلی گئی ہے۔
ماضی میں بھی جعلی نیب افسران کی گرفتاری عمل میں لائی گئی تھی۔
