لاہور( نئی تازہ رپورٹ) قومی کرکٹ ٹیم کے آل راؤنڈر عماد وسیم نے بورڈ آفیشلز سے ملاقات کے بعد ریٹائرمنٹ واپس لینےکا اعلان کر دیا ہے۔ آئی سی سی ٹی ٹوئنٹی ورلڈ کپ 2024 تک ٹی ٹوئنٹی فارمیٹ میں دستیاب ہوں گے۔
سوشل میڈیا پر جاری بیان میں انہوں نے کہا کہ مجھے یہ اعلان کرتے ہوئے خوشی محسوس ہو رہی ہے کہ پاکستان کرکٹ بورڈ آفیشلز سے ملاقات کے بعد ریٹائرمنٹ پر نظر ثانی کی۔
عماد وسیم نے کہا کہ پی سی بی کا اعتماد کرنے پر شکریہ ادا کرتا ہوں، پاکستان ہمیشہ پہلے آتا ہے، ملک کے لیے اعزازات لانے کے لیے اپنی بہترین صلاحیتیں برائے کار لائوں گا۔
عماد وسیم نے گزشتہ برس نومبر میں بین الاقوامی کرکٹ سے ریٹائر منٹ کا اعلان کیا تھا، انہوں نے حالیہ پی ایس ایل کے پلے آف میچز اور فائنل میں اسلام آباد یونائیٹڈ کی طرف سے غیر معمولی کارکردگی کا مظاہرہ کیا۔
