مکہ مکرمہ ( نئی تازہ مانیٹرنگ) سعودی عرب میں حج 2023 کے موقع پر مناسک حج کا آغاز ہوگیا۔ مِنیٰ میں عازمین کے لیے خیمہ بستی آباد ہوگئی،مسجد الحرام میں لاکھوں عازمین حج نے منیٰ روانگی سے قبل طواف کیا۔
مِنیٰ میں عازمین کے لیے خیمہ بستی آباد ہوگئی ہے۔ پاکستان کے 2 لاکھ عازمین سمیت دنیا بھر کے160ممالک سے 25 لاکھ کے قریب عازمین منٰی پہنچ گئے۔
عازمین پیر کی رات مِنیٰ میں قیام کریں گے اور منگل کو نماز فجر کی ادائیگی کے بعد مِنیٰ سے میدان عرفات کی طرف روانہ ہو جائیں گے۔حج کا رکن اعظم ”وقوف عرفہ” منگل کو ادا کیا جائے گا۔
عازمین مسجد نمرہ میں خطبہ حج سنیں گے اور ظہراور عصر کی نمازیں قصر کرکے ادا کریں گے۔ دن بھر ذکراذکارکریں گے اور جبل رحمت پر جا کردعائیں مانگیں گے ۔
