وفاقی حکومت نے عید الاضحیٰ کے موقع پرتعطیلات کا اعلان کردیا

اسلام آباد ( نئی تازہ رپورٹ) وفاقی حکومت نے عید الاضحیٰ کے موقع پر 29 جون سے یکم جولائی تک تعطیلات کا اعلان کردیا۔

کابینہ ڈویژن کی طرف سے جاری نوٹی فکیشن کے مطابق جن دفاتر میں ہفتے کے 5 روز کام ہوتا ہے ان کے لیے 29 جون اور 30 جون (جمعرات اور جمعہ) کو تعطیل ہوگی۔

اسی طرح ج ہفتے کے 6 روز کھلنے والے دفاتر کے لیے 29 جون تا یکم جولائی (جمعرات تا ہفتہ) تک چھٹیوں کا اعلان کیا گیا ہے۔

پاکستان میں پیر کو ذوالحج کا چاند نظر آگیا تھا، عید الاضحیٰ جمعرات29 جون ( 10 ذوالحج) کو منائی جائے گی۔