لاہور ( نئی تازہ رپورٹ) موٹروے ایم 3 پرتیز رفتاری کے باعث پیش آنے والے مسافر بس کےٹریفک حادثہ میں 4 مسافر جاں بحق ہوگئے۔
میڈیا رپورٹ کے مطابق حادثہ موٹروے ایم 3 پر فیض پور کے قریب پیش آیا ، ریسکیو ذرائع کے مطابق مسافر بس موڑ کاٹتے ہوئے ٹریفک حادثہ کا شکار ہو گئی، جس کے نتیجے میں چار مسافر جاں بحق جب کہ تین زخمی ہو گئے، جن میں سے دو کی حالت تشویشناک ہے۔
ترجمان موٹروے پولیس کے مطابق کہ کوٹ ادو سے لاہور جانے والی بس ڈرائیور کی غفلت سے حادثہ کا شکار ہوئی، سیکٹر کمانڈر ایس پی چوہدری عطا کی نگرانی میں موٹروے پولیس نے امدادی سرگرمییاں شروع کر دیں، زخمیوں اور جاں بحق افراد کو ہسپتال منتقل کر دیا ہے۔
نگران وزیر اعلیٰ پنجاب محسن نقوی نے موٹر وے حادثہ میں قیمتی انسانی جانوں کے ضیاع پر افسوس کا اظہار کیا ہے، وزیر اعلیٰ نے جاں بحق افراد کے لواحقین سے دلی ہمدردی اور تعزیت کا اظہار کرتے ہوئے حادثے میں زخمی افراد کو علاج معالجے کی بہترین سہولتیں فراہم کرنے کی ہدایت کی، انہوں حادثہ کے بارے میں رپورٹ طلب کرلی ہے۔
