سان فرانسسکو( نئی تازہ رپورٹ) سماجی رابطے کی ویب سائٹ ٹوئٹر کے بلیو ٹک صارفین اب دو گھنٹے تک کی طویل ویڈیو اپ لوڈ کر سکتے ہیں۔
ٹوئٹرکے سربراہ ایلون مسک نے ایک ٹویٹ میں ویڈیویو اپ لوڈ کرنے کی حد بڑھانے کا اعلان کرتے ہوئے بتایا کہ ٹوئٹر بلیو سبسکرائبر اب دو گھنٹے طویل دورانیے تک کی ویڈیو اپ لوڈ کر سکیں گے۔
ایلون مسک کے مطابق اپ لوڈ کی جانے والی ویڈیو فائل کا سائز 2 جی بی سے بڑھا کر 8 جی بی کر دیا گیاہے۔
حالیہ تبدیلیوں کے تحت ٹوئٹر کی آئی او ایس ایپ کے ذریعے ویڈیو اپ لوڈ کی جا سکے گی جو کہ اس سے پہلے صرف ویب سائٹ سے کی جاسکتی تھی۔ ویڈیو کا معیار فُل ایچ ڈی ہی رہے گا۔
