لاہور( نئی تازہ رپورٹ) پولیس نے زمان پارک سےنکلنے والے مزید 6 دہشتگردوں کو گرفتار کرلیا۔دوروز مین گرفتار ملزمان کی تعداد 14 ہو گئی۔
سی سی پی او لاہور بلال صدیق کمیانہ نے زمان پارک سے فرار کی کوشش کرنے والے مزید 6 دہشتگردوں کی گرفتاری کی تصدیق کی۔
انہوں نے کہا کہ دہشتگردوں میں سے4 عسکری ٹاور اور 2کورکمانڈرہاؤس حملے میں ملوث تھے۔
سی سی پی او لاہور کے مطابق گرفتار دہشتگردوں کی تعداد اب 14 ہوگئی ہے۔
اس سے قبل گزشتہ روز ایس ایس پی جاوید حسن نے بتایا تھا کہ زمان پارک سے فرار ہونے والے 8 مشتبہ افراد کو حراست میں لے لیا گیا ہے۔
انہوں نے بتا یا تھا مصدقہ اطلاعات تھیں کہ 30 سے 40 لوگ زمان پارک کے اندر موجود ہیں، 8مشتبہ افراد کو حراست میں لے لیا ہے جو نہر کے راستے فرار کی کوشش کر رہے تھے۔
نگران وزیر اطلاعات پنجاب عامر میر نے تصدیق کی تھی کہ زمان پارک سے نکل کر نہر کے راستے فرار ہوتے پکڑے جانے والے 8 افراد کور کمانڈر ہاؤس پر حملے میں ملوث نکلے۔ اور یہ ان ملزمان میں شامل ہیں جو حملے کے وقت جناح ہائوس کے اندر گئےتھے۔
