مکہ مکرمہ ( نئی تازہ رپورٹ) سعودی حکومت نے خبردار کیا ہے کہ وزٹ ویزا پر سعودی عرب آنے والے افراد کوحج کرنے کی اجازت نہیں ہوگی۔
سعودی وزارت حج و عمرہ کی جانب سے جاری بیان میں کہا گیا ہے کہ وزٹ ویزا پر مناسک حج کی ادائیگی کی اجازت نہیں ہے۔ وزٹ ویزا پرآنے والے ضوابط کی خلاف ورزی سے گریز کریں۔ وزٹ ویزا کی مدت 90 روز ہے اور میعاد ختم ہونے سے قبل عمرہ ادا کرنا ضروری ہے۔
وزارت حج و عمرہ نے کہا کہ وز ٹ ویزے پر آنے والے کسی شخص کو حج کرنے کی اجازت نہیں۔ حج کے لیے اجازت نامہ حاصل کرنا ضروری ہوتا ہے جبکہ وزٹ ویزے کے حامل افراد کو اجازت نامہ جاری نہیں ہوتا ۔ بیان کے مطابق بغیر اجازت نامے کے حج کرنے یا مکہ مکرمہ میں داخل ہونے کی کوشش کرنا جرم ہے ۔
وزارت حج و عمرہ کے مطابق تقریبا 350 کمپنیاں اور ادارے عازمین کی سعودی عرب آمد سے لے کر عمرہ کی ادائیگی اور واپس وطن روانگی تک بہترین خدمات انجام دے رہی ہیں۔
