چکوال ( نئی تازہ رپورٹ) محکمہ خواراک نے گندم کی 10 ہزار بوریاں صوبہ خیبر پختونخواہ سمگل کرنے کی کوشش ناکام بناتے ہوئے 12 ٹریلر قبضے میں لے لیے۔
ڈپٹی کمشنر چکوال قرۃ العین ملک کے مطابق محکمہ فوڈ چکوال نے گزشتہ رات موٹر وے کلرکہار سے گندم سمگلنگ کی کوشش ناکام بنائی اور اسمگل کی جانے تقریبا 10 ہزار گندم کی بوریاں قبضہ میں لے لیں۔
ڈپٹی کمشنر نے بتایا کہ گندم جنوبی پنجاب کےمختلف اضلاع سے لا کر صوبہ خیبر پختونخواہ لے جائی جا رہی تھی۔
اسمگل کی جانے والی گندم کی بوریاں سرکاری گودام میں جمع کرا دی گئی ہیں۔ جبکہ بوریوں سے بھرے 12 ٹریلر قبضے میں لے لیے گئے ہیں۔
