لاہور ( نئی تازہ رپورٹ) پاکستان تحریک انصاف کی رہنما یاسمین راشد کی سابق وزیر داخلہ اور پارٹی رہنما اعجاز شاہ کی مبینہ آڈیو منظر عام پر آگئی۔
پی ٹی آئی رہنما سابق وزیر صحت پنجاب یاسمین راشد اور سابق وفاقی وزیر داخلہ بریگیڈیئر(ر)اعجاز شاہ کی مبینہ آڈیو میں دونوں رہنما عمران خان کی ممکنہ گرفتاری سے متعلق گفتگو کررہے ہیں۔
مبینہ آڈیو میں یاسمین راشد اعجاز شاہ کو کہتی سنائی دیتی ہیں کہ خان صاحب نے اس وقت کہا ہے کہ سارے ایم این ایز اور ایم پی ایز کو فون کرو۔
اس پر اعجاز شاہ نے جواب دیا کہ ہم کر رہے ہیں، یاسمین راشد نے عمران خان کی ہدایات سابق وزیر کو دیتے ہوئے بتایا کہ عمران خان کہہ رہے ہیں کہ بندے لےکرپہنچیں۔
یاسمین راشد نے انہیں کہا کہ عمران خان کہہ رہے ہیں کہ ان ( ایم این ایز اور ایم پی ایز) کوکہو فوری پہنچیں جو نہیں پہنچے گا اسے میں ٹکٹ نہیں دوں گا، خان صاحب نے یہ بات ڈائریکٹلی کہی ہے۔ ویڈیو پر یاسمین راشد کا فوری طور پر کوئی رد عمل سامنے نہیں آیا۔
