لاہور ( نئی تازہ رپورٹ) مسلم لیگ ن کی رہنما مریم نواز اور حمزہ شہباز نے لاہور سےصوبائی اسمبلی کا الیکشن لڑنےکا فیصلہ کیا ہے۔ مسلم لیگ ن کے ذرائع کے مطابق مریم نواز اور حمزہ شہباز آج کاغذات نامزدگی جمع کرائیں گے۔
ذرائع نے بتایا کہ حمزہ شہباز دو حلقوں سے الیکشن لڑیں گے، حمزہ شہباز پی پی 146 اور پی پی 147 سے کاغذات نامزدگی جمع کرائیں گے۔ وکلا کی ٹیم نے حمزہ شہباز کےکاغذات نامزدگی تیار کرلیے ہیں۔
پنجاب اسمبلی کے انتخابات کے لیے امیدواروں کی طرف سے آخری روزکاغذات نامزدگی جمع کرانےکا سلسلہ جاری ہے۔ الیکشن کمیشن نے 14 مارچ تک کاغذات نامزدگی جمع کرانے کا شیڈول جاری کیا ہے۔
مسلم لیگ ن کے رہنما بلال یاسین نے پی پی 173 سے کا غذات جمع کرائے ہیں، انہوں نے کہا کہ مریم نواز کو بھی اس حلقے سے الیکشن لڑنےکی دعوت دی ہے، مریم نوازکی طرف سے بھی اس حلقے سے کاغذات حاصل کر لئے گئے ہیں۔
