اسلام آباد ( نئی تازہ رپورٹ) حکومت نے نیشنل الیکٹرک پاور ریگولیٹری اتھارٹی (نیپرا) میں آئندہ مالی سال سے سرچارج کے ذریعے بجلی مزید مہنگی کرنےکی درخواست دائرکر دی ۔
حکومت کی طرف سے سرچارجز میں اضافے کے لیے نظر ثانی کی درخواست کی گئی ہے جس میں آئندہ مالی سال سے سرچارجز فی یونٹ ایک روپیہ 80 پیسے تک بڑحانے کی درخواست کی گئی ہے۔
درخواست کے مطابق آئندہ مالی سال کے لیے فی یونٹ سرچارج 3 روپے 23 پیسے بڑھانا ہے، پہلےایک روپیہ 43 پیسے فی یونٹ تک سرچارج لگانےکا فیصلہ کیا گیا تھا تاہم ذرائع کے مطابق اس سے مالی ضروریات پوری نہیں ہو رہیں۔
حکومت کی جانب سے جولائی تا اکتوبر 300 یونٹ تک گھریلو اور زرعی صارفین پر 43 پیسے فی یونٹ سرچارج عائد کرنے کی درخواست کی گئی ہے، جبکہ نومبر تا جون 300 یونٹ تک گھریلو اور زرعی صارفین پر سرچارج 3.23 روپے کرنے کی درخواست کی گئی ہے۔
نیپرا کے مطابق سرچارج اضافےکی درخواست کے الیکٹرک اور ڈسکوز کے صارفین کے لیے ہے، بجلی صارفین پر سرچارج کی درخواست کی سماعت 16مارچ کو ہوگی۔
