لاہور ( نئی تازہ رپورٹ) محکمہ انسداد دہشت گردی پنجاب نے مختلف کارروائیوں کے دوران 12 دہشت گرد ں کوگرفتار کرلیا۔
سی ٹی ڈی کے ترجمان کے مطابق لاہور سمیت تین شہروں سے گرفتار دہشت گردوں کا تعلق القاعدہ اور ٹی ٹی پی سے ہے۔
ترجمان سی ٹی ڈی نے بتایا کہ لاہور سے 3 دہشت گردوں کو حساس علاقے کے قریب سےگرفتارکیا گیا، دہشت گردوں سے بارودی مواد اور خودکش جیکٹ بنانے والا مواد برآمد ہوا۔
سی ٹی ڈی حکام نے بتایا کہ دہشت گرد حساس مقامات پر تخریب کاری کرنا چاہتے تھے، گرفتار دہشت گردوں کے خلاف مقدمات درج کرکے تفتیش شروع کردی گئی ہے۔
ترجمان سی ٹی ڈی کی فراہم کردہ تفصیلات میں بتایا گیا ہے کہ لاہور سمیت 3 شہروں میں 797 افراد کومبنگ اور 159 مشتبہ افراد سرچ آپریشنز میں گرفتارکیےگئے۔
