لاہور ( نئی تازہ رپورٹ ) لاہور ہائیکورٹ نے آڈیو لیک کے معاملہ پر وفاقی وزیر داخلہ رانا ثناء اللہ کے خلاف توہین عدالت کی درخواست ناقابل سماعت قرار دے دیا ۔
جمعرات کو ہائی کورٹ کے جسٹس عابد عزیز شیخ نے شہری شاہد رانا کی درخواست کا تحریری فیصلہ جاری کر دیا۔تحریری فیصلے میں کہا گیا ہے کہ درخواست گزار نے آڈیو لیکس کے معاملے پر ثبوت نہیں لگائے جبکہ آڈیو لیکس کا ٹرانسکرپٹ بھی ساتھ نہیں لگایا اور درخواست گزار متاثرہ فریق بھی نہیں ہے۔درخواست گزار کا موقف تھا کہ آڈیو لیک کے معاملہ پر رانا ثناءاللہ نے عدلیہ کے خلاف پریس کانفرنس میں توہین آمیز الفاظ کا استعمال کیا۔ استدعا کی گئی تھی کہ عدالت رانا ثناء اللہ کے خلاف توہین عدالت کی کارروائی کرے۔تاہم عدالت نے درخواست مسترد کر دی۔
