لاہور( نئی تازہ رپورٹ) قذافی اسٹیڈیم لاہو میں پی ایس ایل میچز کی سیکیورٹی کے لیے نصب قیمتی کیمرے اور دیگر سامان چوری کر لیا گیا۔
میڈیا رپورٹ کے مطابق قذافی اسٹیڈیم میں پی ایس ایل کی سیکیورٹی کے لیے لاکھوں روپے مالیت کے 8 کیمرے نصب کئے گئے تھے جو چور لے گئے، جبکہ قذافی اسٹیڈیم کے اطراف میں بچائی گئی فائبرکیبل بھی چوری کرلی گئی ، پولیس کے مطابق اسٹیڈیم میں روشنی کے لیے لگائے گئے جنریٹرز کی بیٹریاں بھی غائب ہیں۔
قذافی اسٹیڈیم کے گرد پی ایس ایل کی سیکیورٹی کے لیے سی سی ٹی وی کیمرے نصب کیے گئے تھے، کیمروں کی مانیٹرنگ کے لیے خصوصی کنٹرول روم تشکیل بھی دیا گیا تھا۔ پولیس نے تھانہ گلبرگ میں چوروں کے خلاف 2 مقدمات درج کرلیے۔ معلوم ہوا ہے کے چوروں کے فرار ہونے کی سی سی ٹی وی موجود ہے جس کی مدد سے ان کا سراغ لگایا جا رہا ہے۔
