کراچی( نئی تازہ رپورٹ) انٹربینک میں روپے کے مقابلے میں ڈالر کی قدر میں جمعہ کو بھی کمی دیکھی گئی ۔اور کاروباری ہفتہ کے اختتام پر انٹر بینک اور اوپن مارکیٹ میں امریکی کرنسی کی قدر گر گئی۔انٹربینک تبادلہ مارکیٹ میں کاروباری ہفتے کے آخری روز ڈالر 94 پیسے اور ایک ہفتے کے دوران 2 روپے 83 پیسے سستا ہوا ۔
انٹر بینک میں کاروبار کے اختتام پر ایک امریکی ڈالرگذشتہ روز کی قدر 260.93 کے مقابلہ میں 259 روپے 99 پیسے کا ہوگیا۔ گذشتہ کاروباری ہفتے کاروبار کے اختتام پر ڈالر کا بھاؤ 262 روپے 82 پیسے تھا۔ اس دوران اوپن مارکیٹ میں بھی ڈالر کا بھاؤ 2 روپے کم ہو کر 268 روپے ہوگیا ہے۔
