اسلام آباد (نئی تازہ رپورٹ)فیڈرل بورڈ آف ریونیو (ایف بی آر) نے ملک میں تیار ہونے والے سگریٹس پر ٹیکس بڑھا کو دوگنا کر دیا ہے۔میڈیا رپورٹ کے مطابق آئی ایم ایف کی شرائط پر عمل درآمد کی غرض سے 170 ارب روپے کا منی بجٹ آج بدھ کو پارلیمنٹ میں پیش کئے جانے کا امکان ہے ، تاہم ایف بی آر نے اس سے قبل ہی سگریٹس پر ٹیکس میں اضافہ دیا۔فیڈرل بورڈ آف ریونیو کی طرف سے مقامی طور پر تیار ہونے والے سگریٹس پر فیڈرل ایکسائز ڈیوٹی میں اضافے کا نوٹیفکیشن جاری کردیا گیا ہے۔
نوٹی فکیشن کے مطابق 9 ہزار روپے مالیت سے زائد کے فی ہزار سگریٹس کے پیکٹ پرفکسڈ ڈیوٹی بڑھا کر 16 ہزار 500 روپے کردی گئی ہے۔ اسی طرح 9 ہزار روپے سے کم قیمت والے فی ہزار سگریٹس کے پیکٹ پر ڈیوٹی 5 ہزار پچاس روپے کر دی گئی ہے۔فیڈرل بورڈ آف ریونیو (ایف بی آر) کے نوٹیفکیشن کے مطابق سگریٹس پر فکسڈ ڈیوٹی کا اطلاق فوری طور پر ہوگا۔
