لاہور( نئی تازہ رپورٹ) صوبائی حکومت نے پنجاب کے تین شہروں میں رینجرز کو خفیہ اطلاعات کی بنیاد پر آپریشن کا اختیار دیدیا ۔ذرائع کے مطابق یہ فیصلہ محکمہ داخلہ پنجاب کے امن و امان بارے اجلاس میں کیا گیا، جس کے تحت دہشت گردی کی حالیہ لہر کے پیش نظر پنجاب کے تین شہروں میں رینجرز کو خفیہ اطلاعات کی بنیاد پر آپریشن کا اختیار دیا گیا ہے، فصلہ کے مطابق 30 جون تک حساس اضلاع میں کارروائیاں کی جائیں گی۔
سی ٹی ڈی کی جانب سے گزشتہ ماہ 53 تھریٹ الرٹس جاری کیے، جن کے مطابق لاہور، ا ٹک اور ڈی جی خان کے اضلاع کو حساس ترین اضلاع قرار دیا گیا، جہاں دہشت گرد تنظیمیں سیاسی و مذہبی شخصیات کو ٹارگٹ کرسکتی ہیں، انہی خدشات کے پیش نظر رینجرز تینوں حساس اضلاع میں ترجیحی بنیاد پر خفیہ آپریشن کرے گی۔اجلاس میں پولیس، سی ٹی ڈی اور دیگر سیکیورٹی اداروں کی استعداد کاربڑھانے اور وسائل میں اضافے پر بھی تبادلہ خیال کیا گیا۔
