اوٹاگو(نئی تازہ مانیٹرنگ) نیوزی لینڈ میں ہوئی ایک حالیہ تحقیق میں انکشاف کیاگیا ہے کہ چھ منٹ روزانہ کی سخت نوعیت کی ورزش الزائمرز سے بچا ئو میں مددگار ثابت ہوسکتی ہے۔
اوٹاگو یونیورسٹی میں کی گئی تحقیق میں سائنس دانوں کو یہ بات معلوم ہوئی کہ سخت جسمانی سرگرمی کے چھوٹے چھوٹے دورا نیوں سے دماغ کو کمزور ہونے سے بچایا جا سکتا ہے۔
تحقیق کا مقصد برین ڈیرائیوڈ نیوروٹروفک فیکٹر (بی ڈی این ایف) نامی مخصوص پروٹین کی پیداوار بڑھانے کا بہترین طریقہ جاننا تھا۔
اس پروٹین کو دماغ کی تخلیق، سیکھنے اور یادداشت کے عمل کے ساتھ نئے روابط بنانے کی صلاحیت کو فروغ دینے کے لیے اہم کردار ادا کرتی ہے۔
جانوروں کے مطالعوں میں معلوم ہوا کہ بی ڈی این ایف کی مقدار میں اضافہ دماغ کی ساخت اور یادداشت بہتر کر کے سیکھنے کی اور سوچنے سمجھنے کی صلاحیت میں اضافہ کرتی ہے۔تحقیق نے اس پروٹین کی پیداوار میں اضافے کے لیے چار مختلف طر یقے استعمال کئے جن میں 20 گھنٹے کا فاقہ، 90 منٹ کی کم شدت کی سائیکلنگ، چھ منٹ کی سخت ورزش جو40 سیکنڈ کی سائیکلنگ اور 20 سیکنڈ وقفے پر مشتمل تھی یا فاقہ اور ورزش دونوں شامل تھے۔
تحقیق کے نتائج میں بتایا گیا کہ قلیل مدتی لیکن سخت ورزش بی ڈی این ایس میں اضافے کے لیے سب سے موثر طریقہ تھا۔ اس طریقے سے دوسرے طریقوں کی نسبت پانچ گنا زیادہ مطلوبہ پروٹین پیدا ہوئی۔
محققین کے مطابق اس کی ممکنہ وجہ شدید ورزش کے سبب پلیٹلیٹس کی تعداد کا بڑھنا ہوسکتی ہے ۔
