پنجاب حکومت نے گجرات پولیس کے لئے مزید 205 آسامیوں کی منظوری دے دی ہے۔
بنیادی پے سکیل 1سے19تک کی 205 آسامیاں کانٹر ٹیررازم ڈیپارٹمنٹ ، ٹریفک، اسپیشل برانچ، پنجاب ہائی وے پٹرولنگ اور اندرونی احتساب بیورو کے لیے منظور کی گئی ہیں۔
تفصیلات کے مطابق گجرات ڈویژن کے لیے کانٹر ٹیررازم ڈپارٹمنٹ کے لیے کانسٹیبل سے ایس ایس پی تک کی77 آسامیاں، اسپیشل برانچ کے لیے گریڈ 1 سے گریڈ 18 تک کی 60 آسامیاں، اندرونی احتساب بیورو ( آئی اے بی )کے لیے کانسٹیبل سے ایس پی کی 21 آسامیاں، پنجاب ہائی وے پولیس کے لیے کانسٹیبل سے ایس پی تک کی 15 آسامیاں منظور کی گئی ہے۔
اسی طرح ٹریفک کے لیے گریڈ 1 سے گریڈ 19 تک 32 آسامیاں منظور ہوئی ہیں۔
صوبائی حکومت کی منظوری کے بعد ایڈیشنل آئی جی فنانس نے اس حوالے سے نوٹیفکیشن جاری کردیا۔
یاد رہے وزیراعلیٰ پنجاب پرویز الٰہی نے کچھ عرصہ قبل گجرات کو ڈویژن بنانے کی منظور دی تھی.
پاکستان اور آئی ایم ایف کے درمیان تیسرے اقتصادی جائزہ مذاکرات کا رخ تبدیل
اسلام آباد ( نئی تازہ رپورٹ) مشرقِ وسطیٰ میں ایران، اسرائیل اور امریکہ کے درمیان بڑھتی ہوئی کشیدگی اور سیکیورٹی...
Read more
