عیدالاضحیٰ کے موقع پر شہریوں کے چولہے ٹھنڈے نہیں ہوں گے ، عید کے تین دن گیس کی لوڈشیڈنگ نہیں ہوگی۔
میڈیا رپورٹ کے مطابق سوئی سدرن گیس کمپنی نے صارفین کو عید کے ایام میں گیس کی فراہمی یقینی بنانے کا اعلان کر دیا۔
سوئی سدرن گیس کمپنی کے ترجمان کے مطابق عید کے تینوں دن گیس کی فراہمی جاری رہے گی، تاہم عید کے چوتھے دن سے گیس کی لوڈ شیڈنگ شیڈول کے مطابق ہوگی۔
ترجمان کے مطابق شکایت کی صورت میں شہری ہیلپ لائن پر رابطہ کریں ان کی شکایت کا ازالہ کیا جائے گا۔
