استحکام پاکستان پارٹی کے سربراہ جہانگیرترین نے الیکشن میں ناکامی پرسیاست سے علیحدگی اور پارٹی قیادت سے مستعفی ہونے کا اعلان کر دیا۔
نجی ٹی وی کے مطابق جہانگیر ترین نے کہا کہ استحکام پاکستان پارٹی ( آئی پی پی ) کے چیئرمین کی حیثیت سے مستعفی ہونے کا فیصلہ کیا ہے۔
جہانگیر ترین نے اپنے مستعفی ہونے کے اعلان کے موقع پر استحکام پاکستان پارٹی کے اراکین کےلیے نیک خواہشات کا اظہار کیا اور کہا کہ جن لوگوں نے الیکشن میں حمایت کی ان کا شکریہ ادا کرتا ہوں، جہانگیر ترین نے کہا کہ اپنے مخالفین کو کامیابی پرمبارکباد دیتا ہوں۔
