اسلام آباد ( نئی تازہ رپورٹ) انسداد دہشتگردی عدالت نے سابق وزیراعلیٰ پنجاب چودھری پرویز الہٰی کے جوڈیشل ریمانڈ میں 24 اکتوبر تک توسیع کر دی۔
جمعہ کوجوڈیشل کمپلیکس حملہ کیس میں جج ابوالحسنات ذوالقرنین کی رخصت کے باعث پرویز الہٰی کو ڈیوٹی جج شاہ رخ ارجمند کی عدالت میں پیش کیا گیا۔
ڈیوٹی جج نے استفسار کیا کہ کیا پرویزالٰہی کی حد تک چالان عدالت جمع ہوچکا ہے؟ عدالتی عملے نے بتایا کہ صرف جوڈیشل ریمانڈ میں توسیع کرنی ہے ، تفتیشی افسر کی طرف سے عدالت کو آگاہ کیا گیا کہ پرویز الٰہی کی حد تک چالان آگیا ہے اور نوٹس بھی ہوچکا ہے۔عدالت نے سابق وزیراعلیٰ کے جوڈیشل ریمانڈ میں 24 اکتوبر تک توسیع کرتے ہوئے سماعت ملتوی کر دی۔
