سندھ میں یکم ستمبر( جمعہ) کو عام تعطیل ہوگی، نوٹیفکیشن جاری

کراچی( نئی تازہ رپورٹ) سندھ کی صوبائی حکومت نے جمعہ یکم ستمبر کو عام تعطیل کا اعلان کردیا۔

سندھ حکومت کے نوٹی فکیشن کے مطابق یکم ستمبربروزجمعہ صوفی بزرگ حضرت شاہ عبدالطیف بھٹائیؒ کےعرس کے موقع پر صوبہ بھر میں عام تعطیل ہوگی۔اس موقع پرتعلیمی ادارے اور صوبائی دفاتر بند رہیں گے۔

نوٹی فکیشن میں کہا گیا ہے کہ یکم ستمبر کو صوبے بھر کے تمام سرکاری اور نیم سرکاری ادارے بند رہیں گے۔

واضح رہے کہ وفاقی حکومت کے تحت کام کرنے والے ادارے اور بینک معمول کے مطابق کھلے رہیں گے ۔