انٹرنیشنل کرکٹ کونسل ( آئی سی سی) نے ون ڈے ورلڈ کپ 2023ء کے شیڈول کا اعلان کردیا، پاکستان اور بھارت 15 اکتوبر کو احمد آباد میں مد مقابل ہوں گے۔
تفصیلات کے مطابق آئی سی سی کی طرف سے ون ڈے ورلڈ کپ 2023ء کے شیڈول کا اعلان کردیا گیا ہے،پہلا میچ 5 اکتوبر کو انگلینڈ اور نیوزی لینڈ کے درمیان احمد آباد میں کھیلا جائے گا۔
ورلڈ کپ شیڈول کے مطابق روایتی حریف پاکستان اور بھارت کا مقابلہ 15 اکتوبر کو احمد آباد میں ہو گا۔
آئی سی سی شیڈول کے مطابق پاکستانی ٹیم 6 اکتوبر اور 12 اکتوبر کو کوالیفائرز کیخلاف میچ کھیلے گی۔
شیڈول کے تحت پاکستان 20 اکتوبر کو آسٹریلیا اور 23 اکتوبر کو افغانستان سے مقابلہ کرے گا۔
یاد رہے کہ پاکستان کرکٹ بورڈ نے احمد آباد کے نریندرا مودی اسٹیڈیم میں میچ کھیلنے سے انکار کیا تھا تاہم پی سی بی نے کہا تھا کہ قومی ٹیم کے فائنل میں پہنچنے پر احمد آباد میں میچ کھیلیں گے۔
