اسلام آباد ( نئی تازہ رپورٹ) وفاقی دارالحکومت میں وفاقی وزیر مذہبی امور مفتی عبدالشکورکی گاڑی کو ہائی لکس ریوو نے ٹکر مار دی، ہسپتال لے جاتے ہوئے جاں بحق ہوگئے۔
اسلام آباد پولیس کے مطابق مولانا عبدالشکور میریٹ ہوٹل سے سیکرٹریٹ چوک کی طرف جارہے تھے تو ہائی لکس ریوو نے مولانا عبدالشکور کی گاڑی کو ٹکر ماری۔ ہائی لکس ریوو میں 5 افراد سوار تھے ۔ مولانا عبدالشکور کو زخمی حالت میں پولی کلینک اسپتال منتقل کیا گیا لیکن وہ جانبر نہ ہوسکے۔ اطلاع ملتے ہی پولیس اور انتظامیہ کے اعلٰ حکام موقع پر پہنچ گئے.پولیس نےگاڑی میں سوار افراد کو حراست میں لے لیا ہے۔
وزیراعظم شہباز شریف نے وزیر مذہبی امور مفتی عبدالشکور کے جاں بحق ہونے پر افسوس کا اظہار کرتے ہوئے کہا کہ مفتی عبدالشکور ایک باعمل عالم، ایک نظریاتی سیاسی کارکن اور نیک انسان تھے۔ جمعیت علمائے اسلام سے تعلق رکھنے والے وفاقی وزیر مفتی عبدالشکور قومی اسمبلی کے حلقہ این اے 51 سے متحدہ مجلس عمل کے ٹکٹ پر رکن قومی اسمبلی منتخب ہوئے تھے۔
