لاہور ( نئی تازہ رپورٹ) پنجاب حکومت نے عوام کو مزید سستی چینی فراہم کرنے کا اعلان کر دیا،سیلز پوائنٹس پر عید الفطر تک قیمت 95 روپے فی کلو رہے گی ۔
اس بارے میں جاری نوٹیفکیشن کے مطابق پنجاب کی 11 کروڑ آبادی کے لئے 20 ہزار میٹرک ٹن سستی چینی کی فروخت مخصوص سیلز پوائنٹس پر کی جائے گی۔
اہور کو 2023 میٹرک ٹن سستی چینی کا کوٹہ دیا جائے گا، فیصل آباد کو 1431 میترک ٹن ، گوجرانوالہ کو 912 میٹرک ٹن اور سیالکوٹ کو 708 میٹرک ٹن کوٹہ فراہم کیا جائے گا۔
آبادی کے لحاظ سے فراہم کئے جانے والے کوٹے میں قصور کا حصہ 628 ، ملتان کا 863 اور راولپنڈی کا حصۃ 983میٹرک ٹن ہو گا۔
نوٹیفکیشن کے مطابق ساہیوال کو 458 اور سرگودھا کو 673 میٹرک ٹن سستی چینی کا کوٹہ ملے گا۔
واضح رہے کہ وفاقی وزیرخوراک طارق بشیر چیمہ اور شوگر ملز ایسوسی ایشن کے اجلاس میں عوام کو سستی چینی کی فروخت کا فیصلہ کیا گیا۔
