لاہور میں پی ٹی آئی کارکنان کا پولیس موبائل اور موٹر سائیکل سوار اہلکار پرڈنڈوں اور پتھروں سے پرحملہ

لاہور ( نئی تازہ رپورٹ) پی ٹی آئی کارکنان نے پی ایس ایل ڈیوٹی سے واپس جانے والی پولیس موبائل اور موٹر سائیکل سوار پولیس اہلکار پرحملہ کردیا، اہلکاروں نے بھاگ کر اپنی جان بچائی، میڈیا رپورٹس کے مطابق تحریک انصاف کے کارکنوں نے رات کو زمان پارک کے قریب کینال روڈ سے گزرنے والی پولیس موبائل پرحملہ کر دیا، پولیس کی گاڑی پاکستان سپر لیگ کے فائنل میچ کی ڈیوٹی سے واپس جا رہی تھی۔

نجی ٹی وی کے مطابق لاہور میں کینال روڈ پر پی ٹی آئی کے مشتعل کارکنان نے پولیس اہلکاروں پر حملے کئے، پتھراؤ سے پولیس کی گاڑی کے شیشے ٹوٹ گئے۔تحریک انصاف کے کارکنان نے ہاتھوں میں ڈنڈے اور پتھر پکڑے ہوئے تھے، نرغے میں آنیوالے پولیس اہلکاروں نے بھاگ کر اپنی جان بچائی۔ کینال روڈ پر موٹر سائیکل سوار پولیس اہلکار بھی مشتعل کارکنان نے حملیہ کیا، پولیس اہلکار نے بھاگ کرمشکل سے جان بچائی۔