کراچی ( نئی تازہ رپورٹ) اینٹی نارکوٹکس فورس نے کراچی کے جناح انٹرنیشنل ایئرپورٹ پر ایک اہم کارروائی کے دوران کراچی سے جدہ جانےوالے مسافر کے سامان سے کروڑوں روپے مالیت کی اعلیٰ کوالٹی کی ہیروئن برآمد کرلی۔
اے این ایف حکام کے مطابق مسافر اختر جہاں سیرین ایئر لائن کی پرواز سے جدہ روانہ ہو رہا تھا، مسافر نے اپنے ٹرالی بیگ میں ہیروئن انتہائی مہارت سے چھپا رکھی تھی۔تاہم اس کے سامان کی تلاشی لی گئی تو پونے 3 کلو گرام اعلیٰ کوالٹی کی ہیروئن برآمد ہوئی۔جس کی مالیت عالمی مارکیٹ میں چار کروڑ روپے سے زائد بنتی ہے۔
مسافر اختر جہاں کا تعلق خیبر پختونخوا کے ضلع مردان سے بتایا گیا ہے، مسافر کو منشیات سمیت حراست میں لےلیا گیا،متعلقہ حکام نے تفتیش کا آغاز کر دیا ہے۔
