اسلام آباد( نئی تازہ رپورٹ) اسلام آباد ہائی کورٹ کے چیف جسٹس عامرفاروق نے چیئرمین پاکستان تحریک انصاف عمران خان کی جانب سے اپنی مبینہ بیٹی ٹیریان کو چھپانے کے کیس میں لارجر بینچ تشکیل دے دیا ۔
اسلام آباد ہائی کورٹ کے چیف جسٹس عامرفاروق کی سربراہی میں 3 رکنی لارجر بینچ میں جسٹس محسن اخترکیانی اور جسٹس ارباب محمد طاہر شامل ہیں۔ اسلام آباد ہائی کورٹ کی جاری کردہ کاز لسٹ کے مطابق اسلام آباد ہائی کورٹ کا لارجر بینچ 9 فروری کو عمران خان نااہلی کیس کی سماعت کرےگا۔واضح رہے کہ عمران خان پر اپنی مبینہ بیٹی کو کاغذات نامزدگی میں ظاہر نہ کرنےکا الزام ہے، شہری محمد ساجد نے عمران خان کو نااہل کرنے کی استدعا کر رکھی ہے۔
