اپنے گانوں کے منفرد انداز کی وجہ سے مشہور ہونے والے چاہت فتح علی خان نے فلموں میں آنے کا اعلان کردیا ، مداحوں کو ’سبق‘ سکھانے کے لیے اپنی فلم کا ٹریلربھی جاری کر دیا ۔
میڈیا رپورٹ کے مطابق چاہت فتح علی خان نے ایک ویڈیو پیغام میں اپنی آنے والی فلم کا ٹریلر جاری کیا ہے۔
چاہت فتح علی خان نے فلم کا ٹریلر شیئر کرتے ہوئے بتایا کہ میری پہلی فلم ’سبق‘ انشاء اللہ عید مبارک کے دن ریلیز ہو رہی ہے ۔
فلم ”سبق“ ایک مزاحیہ فلم ہوگی جو فراز احمد کی ہدایت کاری میں بنائی جا رہی ہے ، فلم میں دوسری شادی اور سوشل میڈیا انفلوئسنرزکی زندگی پر روشنی ڈالی گئی ہے۔
یہ بھی پڑھیں: سنگا پور ، پاکستان کی ماہ نورعلی کی انڈر 13 اسکواش چیمپئین شپ میں کامیابی
ٹریلر میں چاہت فتح علی خان نے اپنا تکیہ کلام دلوں کی جان، چاہت فتح علی خان آل دا وے فرام لندن‘ بھی استعمال کیا ہے۔
واضح رہے کہ حال ہی میں چاہت فتح علی کا ری مکس گانا بدوبدی ریلیز ہونے کے بعد وائرل ہو چکا ہے۔
