آصف زرداری اور چودھری شجاعت حسین کے درمیان اہم ملاقات

لاہور ( نئی تازہ مانیٹرنگ) سابق صدر آصف زرداری اور مسلم لیگ (ق) کے صدر چودھری شجاعت حسین کے درمیان اہم ملاقات ہوئی ۔
بلاول ہائوس میںایک گھنٹے تک جاری رہنے والی ملاقات میں مسلم لیگ ق کے رہنما چودھری شافع حسین اور وفاقی وزیر چودھری سالک حسین بھی موجود تھے۔
نجی ٹی وی کے مطابق ملاقات کے دوران ملکی سیاسی صورتحال اور پنجاب میں عام انتخابات پر تبادلہ خیال ہوا، ذرائع کے مطابق ملکی معیشت کو اس وقت سنگین معاشی چیلنجز پر بھی بات چیت کی گئی۔دونوں جماعتوںنے اتفاق کیا کہ پاکستان کے معاشی حالات کو ہم سب نے مل کر سنبھالنا ہے ۔