پاکستانی اداکارہ زارا نور عباس اور اسد صدیقی نے بیٹی کی پیدائش کا اعلان کرتے ہوئے مداحوں سے دعائوں کی اپیل کی ہے ۔
زارا اور اسد نے انسٹاگرام پر یہ خبر اپنے مداحوں کے ساتھ ایک اینیمیٹڈ کارڈ کے ساتھ شیئر کی۔
بدھ کو انسٹا گرام پوسٹ میں زارا نے کہا کہ الحمدللہ، ہم دنیا کی سب سے خوبصورت بچی نورجہاں صدیقی کے اماں اور ابا بننے اعلان کرتے ہیں۔ اسد صدیقی نے بھی اپنے اکاؤنٹ پر اسے شیئر کیا، جوڑے نے مداحوں اور فالورز سے دعائوں کی اپیل کی ہے۔
یاد رہے کہ پاکستانی ڈرامہ و فلم اداکار زارا نور عباس نے گزشتہ سال نومبر میں اپنے مداحوں کو اپنے حاملہ ہونے کی خبر سے آگا ہ کیا تھا۔ جوڑا 2017 میں شادی کے بندھن میں بندھا تھا، اور یہ دونوں کی دوسری شادی ہے۔
رپورٹس کے مطابق زارا کا یہ دوسرا حمل ہے کیونکہ پہلی بار ان کے ہاں مردہ بچے کی پیدائش ہوئی تھی، جس کا انکشاف اسد صدیقی نے 2022 میں ایک انٹرویو میں کیا تھا۔
یاد رہے کہ زارا نے مردہ بچے کی پیدائش کے بعد کافی وقت ڈپریشن سے لڑتے ہوئے گزارا۔
