لاہور(نئی تازہ رپورٹ) پاکستان کرکٹ بورڈ (پی سی بی) کی سلیکشن کمیٹی کوفوری طور پر تحلیل کر دیا گیا۔
بورڈ کے ترجمان مطابق موجودہ سلیکشن کمیٹی کو تحلیل کر دیا گیا ہے، نئی سلیکشن کمیٹی کا اعلان جلد کر دیا جائے گا۔ پی سی بی ترجمان نے کہا کہ نئی سلیکشن کمیٹی قومی کرکٹ ٹیم کے انتخاب کے لیے میرٹ پر آزادانہ فیصلے کرے گی، نئی سلیکشن کمیٹی کے فیصلے سب کے سامنے ہوں گے۔
میڈیا رپورٹ کے مطابق محسن نقوی پریس کانفرنس میں نئی سلیکشن کمیٹی کا اعلان کر سکتے ہیں، ذرائع سے معلوم ہوا ہے کہ وہاب ریاض کو ایک بار پھر چیف سلیکٹر مقرر کیا جا سکتا ہے، جبکہ سابق آل راونڈر عبدالرزاق کو سلیکشن کمیٹی کے ارکان میں شامل کیا جائے گا۔
تحلیل کی جانے والی سلیکشن کمیٹی کے سربراہ وہاب ریاض تھے . کمیٹی ارکان میں وجاہت اللہ واسطی، توصیف احمد، وسیم حیدر، کامران اکمل اور راؤ افتخار انجم (کنسلٹنٹ ممبر) اور حسن مظفر چیمہ (منیجر اینالیٹکس اینڈ ٹیم اسٹریٹجی) شامل تھے۔
بتایا گیا ہے کہ چیئرمین پی سی بی محسن نقوی آج اتوار کو پریس کانفرنس میں اہم اعلان کریں گے۔
