اسلام اباد پولیس نے پاکستان سپر لیگ ( پی ایس ایل) کے 2 تا 10 مارچ 2024 کے دوران راولپنڈی کرکٹ سٹیڈیم میں ہونے والے میچز کے لیے پارکنگ پلان جاری کر دیا ہے۔
ترجمان اسلام اباد پولیس کے مطابق پاکستان سپر لیگ کرکٹ ٹیموں کے مابین کرکٹ میچز مورخہ 2 تا 10 مارچ 2024 مختلف تاریخوں میں راولپنڈی کرکٹ اسٹیڈیم میں ہونگے ،اس سلسلہ میں راولپنڈی اسلام آباد کے عوام کی سہولت کیلئے پار کنگ مختص کی گئی ہیں۔
میچ دیکھنے والے شائقین اپنی گاڑیاں ، موٹر سائیکل بمقام سول ایوی ایشن گراونڈ راول روڈ راولپنڈی میں مخصوص کردہ پارکنگ ایریا میں پارک کریں گے۔ اس کے علاوہ شائقین اپنی گاڑیاں ، موٹر سائیکل بمقام گورنمنٹ گریجویٹ کالج سیٹلائٹ ٹاون راولپنڈی میں مخصوص کردہ پارکنگ ایریا میں پارک کریں گے۔
بیان میں بتایا گیا ہے کہ شٹل سروس، میچ شائقین کو مختص کردہ پارکنگ سے راولپنڈی کر کٹ سٹیڈیم لے کر جائے گی۔جبکہ میچ کے اختتام پر شٹل سروس شائقین کو روالپنڈی کر کٹ سٹیڈیم سے واپس مقرر کردہ پارکنگ ایریا تک لے کرجائے گی۔
بیان میں واضح کیا گیا ہے کہ شٹل سروس میچ شروع ہونے سے دو گھنٹے قبل بند ہو جائے گی۔
